HYA (Hmar Youth Association) - James Songrolal Songate
Pu-Pa khana tui ang kan laksa tlâwmngaina hlu,
Thilṭha thaw, nun dan mawi pâr anga vulna,
Khaw Singlunga inthawk hung suok Hmar zaleng nauhai,
Sakhming HYA sirah suilung kan ruol.
A hi kan thiltum, kan Motto a lo nih,
Thilṭha thaw, nun dan mawi le tlâwmngaina hlu,
Sietni le ṭhatnia kan bêllai, kan suonglungpui,
A sakhming lawi ang inthang raw se.
Hmangaina chung Pathien, I kuomah kan hung ngên che,
Kan hman riengvai, indar hnung keikhâwmtu di’n,
Pâwl thienghlim HYA I mi pek hi kan lawm ie,
Riengvaihai bêltlak di’n mal mi hung sâwm rawh.
Kulva reng ang chungnunglȗra kan lêngna vangkhuo,
Kan thilṭha thawn’n thlang kawrvai dêngsuok sien la,
Kan nun dan mawiin khawvel hnam tin elvar sien la,
Kan tlawmngaina’n hratnawhai sawmdawl kan tih.
Chungturni intengin, simthli’n mi nuoi vel sien khawm,
Kan sakhming bo naw nih, hring khawvel hin;
Hmar kan nih, kan lawm ie, chung Pathien siem le ruotsa,
A sakhming mawi HYA vul pei raw se.